மாற்றங்கள்! | சஞ்ஜீவன் – 33ம் அணி

மாற்றமா மறுபக்கமா இது ?

கலாச்சாரம் கட்டுக்கோப்பு
தேவைகளுக்கான போராட்டம்
வாதப் பிரதிவாதங்கள்
வறுமையிலும் செம்மை
வணங்கா முடிகள்
வலிகளோடான வெற்றிகள்

தொடர்சிகளின் நிறுத்தமேன் ..

மோனலிசா ஓவியமும் முத்தமும்
மூலமாகின கவிகளிட்கு

முயற்சிகளும் முற்போக்குவாதங்களும்
முதுமையடைந்தன

பக்கசார்புகளும் பகடை சுழற்சிகளும்
பரந்துவிரிந்தன

பக்க உமிழ்நீர் சுரப்பிகளின்
பருமன்களின் அதிகரிப்பு
பரிவு பரபரிவு தொகுதிகளின்
சீர் திடநிலைக் குழம்பல்கள்
மீள்கலவைகளோடு மாற்றங்களின்
கலாசார உட்புகுத்தல்கள்

யதார்த்தங்களும் கோட்பாடுகளும்
கோவைகளிட்குள் பதுக்கபட்டன
நிகர எடைகள் போலி எடைகளால்
சமப்படுத்தப்பட்டது

பூக்களின் வர்ணங்களும்
நிறமழிக்கபட்டதுஇ அமிலகாரம் கொண்டு
மகரந்தங்களும் சிதறடிக்கப்படட்டது

வீண்முயற்சியென விளக்கப்பட்டு
விருட்சங்களின் விதைகளும் அழிக்கப்பட்டன
வெற்றிகளின் சிதறல்களில் வாழ்வு
தோல்விகளின் ஓலங்களில் உழைப்பு
இதுவே ஓர் கூட்டத்தின் பிழைப்பு

வியர்வைகளின் ஈரம் அறியா
வெற்றிகளும்
சுவைநரம்பு இழந்த நாக்குகளும்
அனுபவம் பேசின
வரலாறுகள் வரைந்தன

வரைவது எப்படி என்பதை விடுத்து
வரைந்தே காட்டிய வரலாறுகள்
வரையவே தெரியாதவனின்
வதைகளும் தொடர்கதைகளாயின
வர்ணமான வெளிப்பூச்சுக்கள்
உட்கிடக்கைகளின் அவலங்கள்

ஐந்து பத்தை பிரித்து போட்டால்
அமைதியாகும் இசைவாக்கமும்
பத்தோடு பதின்மூன்றை தந்தாலென்ன ?
எனும் தள்ளாடும் கூட்டமும்

நாளடைவில் நாவூம் கித்துளுக்கு பழக்கப்படும்
பனைவெல்லம் பயனற்று போகும் நிலைமைகள்

அடம்பன் கொடிகளின் திரட்சிகளின் தோல்வி
மிடுக்குகளின் இழப்பு

எண்ணைகள் அகற்றப்பட்டு
புண்ணாக்குகளின் குவியல்கள்
தூரநோக்கு படிமுறைத் திட்டங்கள்
அழிப்பின் தொடர்ச்சிகள்

மாற்றங்கள் தான் இவை
ஆனாலும் மீளக்கூடியவை

பல்வகை சத்துக்களோடு பாலாகும்
புண்ணாக்கும்
மாற்றங்களால்…..

“மறுபக்கத்திலிருந்து” – சஞ்ஜீவன் கணேசமூர்த்தி – 33ம் அணி


The Cover Page of Naadi -12

The Cover Page of Naadi -12

 

This verse by Mr.G. Sanjeeven, (33rd Batch), appeared in the MSU Magazine - "Naadi - 12" published in December 2014

Editor MSU

Editor of MSU

You may also like...

Leave a Reply